gar ḳhaak ke saath us ko sarokār na hove
aañkh uThā kar use dekhūñ huuñ to nazroñ meñ mujhe
yuuñ jatātā hai ki kyā tujh ko nahīñ Dar merā
āfrīñ tujh ko hasrat-e-dīdār
chashm-e-tar se zabāñ kā kaam liyā
ab aur der na kar hashr barpā karne meñ
mirī nazar tire dīdār ko tarastī hai
agar hayāt hai dekheñge ek din dīdār
ki maah-e-iid bhī āḳhir hai in mahīnoñ meñ
dekhā nahīñ vo chāñd sā chehrā ka.ī din se
tārīk nazar aatī hai duniyā ka.ī din se
dīdār kī talab ke tarīqoñ se be-ḳhabar
dīdār kī talab hai to pahle nigāh maañg
hāsil us mah-laqā kī diid nahīñ
iid hai aur ham ko iid nahīñ
haTāo aa.ina ummīd-vaar ham bhī haiñ
tumhāre dekhne vāloñ meñ yaar ham bhī haiñ
jaise jaise dar-e-dildār qarīb aatā hai
dil ye kahtā hai ki pahuñchūñ maiñ nazar se pahle
janāb ke ruḳh-e-raushan kī diid ho jaatī
to ham siyāh-nasīboñ kī iid ho jaatī
jo aur kuchh ho tirī diid ke sivā manzūr
to mujh pe ḳhvāhish-e-jannat harām ho jaa.e
kahte haiñ iid hai aaj apnī bhī iid hotī
ham ko agar mayassar jānāñ kī diid hotī
kuchh nazar aatā nahīñ us ke tasavvur ke sivā
hasrat-e-dīdār ne āñkhoñ ko andhā kar diyā
kyuuñ jal gayā na taab-e-ruḳh-e-yaar dekh kar
jaltā huuñ apnī tāqat-e-dīdār dekh kar
maiñ kāmyāb-e-diid bhī mahrūm-e-diid bhī
jalvoñ ke izhdihām ne hairāñ banā diyā
tirī pahlī diid ke saath hī vo fusūñ bhī thā
tujhe dekh kar tujhe dekhnā mujhe aa gayā
TūTeñ vo sar jis meñ terī zulf kā saudā nahīñ
phūTeñ vo āñkheñ ki jin ko diid kā lapkā nahīñ
uTh ai naqāb-e-yaar ki baiThe haiñ der se
kitne ġharīb diida-e-pur-nam liye hue
vo dushmanī se dekhte haiñ dekhte to haiñ
maiñ shaad huuñ ki huuñ to kisī kī nigāh meñ
aaye thehre aur ravaana ho gaye,
Zindagi kya hai safar ki baat hai.
Thank you..